ഇടുക്കി : ജില്ലയിലെ തദ്ദേശസ്ഥാപനങ്ങളിലെ അധ്യക്ഷ സ്ഥാനങ്ങളിലേക്കുള്ള സംവരണം നിശ്ചയിക്കപ്പെട്ടതോടെ ചിത്രം തെളിഞ്ഞു. കഴിഞ്ഞ വർഷത്തെ അപേക്ഷിച്ച് വനിതകൾക്ക് കൂടുതൽ അധ്യക്ഷപദവികൾ ലഭിക്കും. വാർഡുകളുടെ എണ്ണം കൂടിയതോടെയാണ് വനിതകൾക്ക് മേൽക്കൈ ലഭിച്ചത്.
ആകെയുള്ള 52 പഞ്ചായത്തുകളിൽ പകുതി പഞ്ചായത്തുകളിലും വനിതകൾക്ക് അധ്യക്ഷ പദവി ലഭിക്കും. ഇതിൽ ജനറൽ വിഭാഗം വനിതകൾക്ക് 23 പഞ്ചായത്തുകളുടെ പ്രസിഡന്റ് പദവി ലഭിക്കും. പട്ടിക ജാതിയിൽപ്പെട്ട വനിതയ്ക്ക് രണ്ടു പഞ്ചായത്തുകളും പട്ടികവർഗ വനിതയ്ക്ക് ഒരു പഞ്ചായത്തുമാണുള്ളത്. രണ്ടു നഗരസഭകളിൽ തൊടുപുഴയുടെ അധ്യക്ഷപദവി വനിത കൈയാളും. എട്ട് ബ്ലോക്ക് പഞ്ചായത്തുകളിൽ നാലെണ്ണം വനിതാ സംവരണമാണ്. ജില്ലാ പഞ്ചായത്ത് പ്രസിഡന്റ് പദവിയും വനിതയ്ക്കാണ്.
വനിത ജനറൽ
ബൈസണ്വാലി, പള്ളിവാസൽ, ശാന്തൻപാറ, ചിന്നക്കനാൽ, പാന്പാടുംപാറ, രാജാക്കാട്, ഉടുന്പൻചോല, ഉടുന്പന്നൂർ, കോടിക്കുളം, കുടയത്തൂർ, ഇടുക്കി, കഞ്ഞിക്കുഴി, അറക്കുളം, വാഴത്തോപ്പ്, മരിയാപുരം, ഉപ്പുതറ, വണ്ടൻമേട്, കാഞ്ചിയാർ, ഇരട്ടയാർ, ചക്കുപള്ളം, കരിങ്കുന്നം, മണക്കാട്, പുറപ്പുഴ, പീരുമേട്.
പട്ടികജാതി വനിത
ദേവികുളം, വണ്ടിപ്പെരിയാർ.
പട്ടികവർഗ വനിത
വെള്ളിയാമറ്റം
പട്ടിക ജാതി
രാജകുമാരി, അയ്യപ്പൻകോവിൽ, പെരുവന്താനം.
ബ്ലോക്ക് പഞ്ചായത്ത്
പട്ടിക ജാതി -ഇളംദേശം
പട്ടിക വർഗം -കട്ടപ്പന
വനിത ജനറൽ -ദേവികുളം, നെടുങ്കണ്ടം, ഇടുക്കി, അഴുത
ജില്ലാ പഞ്ചായത്ത് -വനിത ജനറൽ
നഗരസഭ
തൊടുപുഴ -വനിത
കട്ടപ്പന -ജനറൽ